Nébíngké Lupénam সম্পাদকীয়

 Nébíngké Lupénam (সম্পাদকীয়)

   Ísíng Aré (গছৰ মূল্য)

    Ngolukké ko:ka:dok ka:nam gené mo:pídé supak mo:rong mo:tila dung. Ako annyio:ko ka:panam ísíng amí:dé éddíko jé:la jé:la kabla du:ji édém mo:lung tani:(প্ৰকৃতি মানৱ) manggom mo:lung kinbégné (প্ৰকৃতিবিদ) tani:démyang sé:ko kin-ya:yen ? Ísíngé kama:mílo tani:yésin turra du:maye (গছ নাথাকিলে মানুহো জীয়াই নাথাকে). Mo:lung koje be:damlok aré kayapagné koje be:damdé ísíng amí:dé (প্ৰাকৃতিক সম্পদৰ আটাইটকৈ মূল্যৱান সম্পদটোৱেই হল গছ). Ísíngé ngolum dumsu:la éddíko ngasodlokkém ngasarsumodagji édém sabla sabamlamang.

    Ísíng arrém kíbíkki kíngablamang. Péyi-pétta:lok dungko dakko, simín-sike:, tani:lok turying dokké éddíko aré kané agerlo ísíngém lagidagji édém ngolu adla adamlam:, lula lungablamang. Ísíngé gejig gejigla mo:pío:sém kangkano:momang, bí ngolum oxygen-ém bigela:sin ugyum(ছাঁ), Dungko (আশ্ৰয়), ansí:-réki: (শান্তি) atí atíém bidag. Édékkídíko ka:dumsuné ísí:dém ngolu mosila du:pénamdém kapila lo:bagdan ? Do:nyi ka:la amke:yemío:lo ugyumém manam dokké 5 Ju:n a:yeo:mílo ísíng lenamém mé:panamdé mo:písokképé ainé agommang.

    Bharod mo:rumsok yumrang tani: (The forest men of India) Jadav Payeng (যাদৱ পায়েং) bí TV Tauluposunamlo, Kébang bangkolo lo:díséméi lula du:dag - ísíng du:mílopag tani:é turra du:ye. Ísíng manggom mo:lung agom kídídém ai kangkanpé kinnam léga:ngé pogo(পঢ়াশালি) lo LP class dokkébo bipayé odopak mo:lunglok arédém tani:é kinna mo:lusém ka:si mosila du:ye.

    Aíké légango:pé mé:la du:mílo mo:písé lékoném yokpagye. Tani:é lenyartí:l du:daggom amongé lenyartíla du:mang. Éddíko mo:písé amongé du:ngaji dokkésing mo:lung Gonggo-Sigo (প্ৰাকৃতিক দুৰ্যোগ) kokki amongé yoga:bomna gídung. Dítag dítaglo asié rago ko:la amongé ko:pagbomdung. Milennam dungkéng (মানৱসৃষ্ট পৰিৱেশ) kídídé silo gonggo-sigo ngasodém a:modung. Ngolu migom ope:o:ém (চৰকাৰী পক্ষ) né:jemlígma:pé kinné tani:kisapé mo:lu:sém mosisunamdé airuné agerko émna méngkitsudanna léko lakkopé agerém gerbompaye. Dokké mo:pí mo:lung longéo:do (বিশ্ব পৰিৱেশ দিৱস) ísíng lenamdém ima:pé lo:dím lemanggom po:lo:do amíngokoi lenam ager tarungko no ngokkédokké lesabommílo ngolukké ko:ka:dok ka:nam gené mo:pídém lékoda pa:ladyeku.

Tapan Lal