গ্ৰীষ্মৰ কেইটামান পংক্তি
উৎপল বৰকটকী
১) সেমেকা চোতাল, সেমেকা মন
ওঁঠত কিন্ কিন্ বৰষুণ
এজাক চৰাই উৰি যায়
আকাশৰ নিৰ্জনতা ভেদি।
২) কেঁচা ঘামত পোৰে চকু
ৰ’দত দেহ
টলমল, জলজল-পটপট
ৰ’দ ঘন বেলিৰ পোহৰ।
৩) সেউজীয়া পাতবোৰে বিচাৰি লৈছে
নিসংগতাৰ বাট
বতাহৰ সৈতে বিচ্ছেদ-অভিমান।
৪) বতাহে নামানে একোকে
বৰষুণে বুজাব নোৱাৰে
ধুমুহা হৈ নামে
বিচ্ছেদত বিদীৰ্ণ বতাহ।
Doksiri দকচিৰি, জুন, ২০২৫
No comments:
Post a Comment