Sé:ko Kindang Yampo Kapé Iyéji

 

Sé:ko Kindang Yampo Kapé Iyéji

                                                                           Bijoy Bori

Siro:mílo lékoda ríksukuma:bo

Asin mé:namém lubisulangkuma:bo

No o:ko mé:du:ji sillung luto

Asin mé:namém lubít lusarto,

Taniyém léko oge:la oten kuma:bo

Sé turnamsém lékoda pangkuma:bo

Nok mé:bonamdém pa:toma  émna 

No mé:díryo

Laginamdéméi pa:tag émna 

Airu:pé mé:poyo

Tani:ké turnamsé du:yarma, lo:tungé

Asinang onamsé:ka, du:yaryélang ?

Nok gerrango:namdém gerto

Gerra: ma:namdém mé:boyo

Okkom pa:tagji odokki mé:poto,

Ammem ka:yí:sutok

Amikém ka:boyok

No aìé gerpé émna mé:suto

Silok agerém sillung gerrang

Yampopé totedla méyo

Sé:ko kindang yampo kapé iyéji.

Doksiri দকচিৰি, ডিছেম্বৰ, ২০২৫