NGOM RONGGAMO:PÉ DU:MOTEI
Digen Taid
Pía:né do:mír kéíksok
Loladné mo:písok taniyé,
Prime: prime:né ommangé
Ya:me: mímbír lusu mé:sula
Atí aré kama:né a:ngém géla
Bulu abíng ame: kang-kinmang.
Sé mo:písog mo:di: akolog
Írmi: do:lu:log yeli:yelamko
Ka:yir mé:yirsula ngolu
O:kai komanggom o:kaiko
Léng-kan gíkan bomyémílo
Bulu édémsin ka:nyi: mé:yí:dag.
Mo:ro mo:sí:né réngamém,
Réngam gambola du:namé
Mé:bomang bulu médbu rakod
Yonsué sisug asin géné kídíngé;
Rubné karsing po:lo yumédog
Rubné yumépé bulu kémo mopéné.
Do:lu:log gam, migom ku:nír
Bokung, yamki: ku:nírébulu
Kadaggom édé bulugom maglado:né
Dé do:lu:dog taniyé asin írmango:né
Rokom pong-kang asi írsula
Kudlatpé tamkan léng-kano:né.
Ngo sémpé gumgum gamgamkolo
Mittub gudopé du:yartíla dungge:mang
Ngom ségri: ségompé du:motei
A:né ru:yiké po:yub okumolo
Ansín dola ro:si ro:si ronggamo:pé
Ngom se:kosin luyosyo
Ngom sekosin gogyosuyo..
Doksiri দকচিৰি, মাৰ্চ, ২০২৫
No comments:
Post a Comment