ALI A:YÉ LIGANG LONGÉDO
Mg. Monturam Taíd
Ali a:yé lígang longédo
Oiya no gíyé émna mibu galukko
Na:nmé summodanna lé:tung
Oiya no gíyé émna tatpa:la
Singgí gipun appun ara:lo
Asiném ríntumsula toya:la dung.
Oiya no Gíyé émna gonggo - sígo ara:losin
Lígad ongom sogabdangé:la
Pérab tayoto a:sanna lé:tag
No gíyépé émna ager - tarungém
Topaksudangé:la taléng ékkamém
Panosudanna lé:tung .
Oiya no gíyé émna okum lottadok
Appun arígém kangkano:pé
Pétpu:danna métung.
Oiya no gíyé émna purang apin ra:nam légangé
Amkel ambbíném yigdangé:la
Ki:parlo ínosul lé:tung.
Oiya no liga:so aruru:pé
Gímílo silíg-turlígadanna
Dugla gíyé nom gíríksunam légangé
Sikur - sile a:ném singkodanna .
Oiya no líga:so gíyé émna
Toya:danna dung
Toya:danna dung.
Doksiri দকচিৰি, মাৰ্চ, ২০২৫
No comments:
Post a Comment