সম্পাদকীয়

 Nébíngké Lupénamসম্পাদকীয়....

   Anu anu technology - ki siyum siro mirémné mo:rumé aíké ager atí atíém odokké réngam agerém gerbomíkampé ngolusin aíké mising réngam, opín agerém gerbompé idung. Sé Digital adí so ajjou arrouné imur germurém me:mi mé:mi:l mé:la du:na:n ayiré katokumabo. Ammeyang ajouko kapé lékorko korbanlayen édém mé:pé idung. Ngo ipopakyé émna mé:la du:nam agerdém amme ipoyemílo ajjoukodaggom asinsé mé:dírko gíadag. Ngomyang édém kapila amme ipoton ?! Odok léga:dé akkoungko - yampo iyé, yampo mé:yé émna du:modsunamdé. Yampodé a:dodo lékoda lo:bagné tani:dé mé:dag yampopak iyebo. Édé lo:bagné tani:dokké édílosin silo émnamdé a:mang. Édémpin taniyém ngolu jonsu:pésin lagimaye.

       Mo:píso aíké kanggangko lé:pé mé:domílo ngolukké ager gerlod-mélodém anguru:paye. Su: social media-lo lukanpé Facebook, YouTube, WhatsApp, Twitter atí atí lo tani:kídíse busy-la du:la aíké okum érang tani:émsin luposuna:n ayirém pa:tokumang. Lekekémpé ajon arumém jontokumang. Lekkem ainé ajon ma:la do:lulo gídungai, supak aíké mé:lík-ka:líksunam ajoném social media-lo:pak magabge:l jondag. Édémpé technology advance-la gídung. Ngoluk asin mé:lodémsin technology-é advance-yadung. Odo arado ngolu lekekémpé mé:la du:mílo yokpagdanyé. Émpila supak ngolu technological Mind-ki agerém gerpa:yé.

Léddarpé appingkélopé 75th Independence Day-lok asin ayangémko asé:lígdung.

     

                                                       Tapan Lal

                                                   Nébíng সম্পাদক

                                                  Doksiri: দকচিৰি: