Balennamlok Tummín

 Balennamlok Tummín

Néríng-Dr.Bushan Sondro Pathok

Misi:lo:pé-Mg.Bhobo Dole:

BALENNAMLOK adí éddíko anindu:ji éddíngko Dosorotbí balennamdo tuppínamdé ma:nyilok senuguti donampé andung.Édémpila Ope:dok abudé bím luyirdung. Nok néngdé balennamdo gigo:la agomko Lugo:mílo balennamdém tuppiye.Ope:dok Abu agomdém tatkinna mé:podanna ukumdo:pé gilangkula Koisoilamé balennamdo gigo:la idumsudopé luto.Koisoilabí mé:mikang.Édém ka:la lurídla agomdém luto.Koisoila bí tumbologla dungge:la lukang-Tani:é ka:mílo okko émyen ?

    Mé:térsula Dosorotbí Sumitraké kéra:do giadolo lukang- Dear, No:tu kindagéi ngo moro:pé gilenpé annyidag. Émdodo balennamdo ngo kapé réngam ara:do agom luyen ?

    Mé:dír éla: mé:térsula bí Koikeyiké kéra:do dagdídung. Édém ka:la Dosorotké amig miksidém gasor tu:nyingki titpagbidung.Prislok lé:nam ansing asiko bila tí:modung odokké tukkudém ní:ma:n bila taddung- Okkom éddíko mé:dun?

Ma,okokomsin me:ma.

O:kaiko mé:dung.

Balennamdo lugopé Koisoila -Sumitrabí apotti dung.Su:pag nom kapé luyen ?

Nosin Tani:madei,ajji ajjiouné agomdo mittug kila du:dag. Nok balennamdok lugongém ngo iye.Milbong ngasod-ngayoddo né:ngé idumsuma:mílo né:ngéimang. 

    Koikeikolok ngamné agomko pa:ye émna ma:nyi:bosin ma:mangai.Bí mé:pomole:Kang. 

Balennam lo:nyidokké kéba:lo Koikeibi agom lugongkang. Yi:nyi hejarlok Dosorotbí balennamdo tuppíto.Mé:po mole:ki okkomei lagiyeki édéméi biye pesudanna Koikeyimé luto.

Dosorotké Ope:dé migomém ba:lento. Pesula lubinam agomdém Dosorotmé mé:pamotoku.Ngo aodém nok P A pé la:to.

Koikeiké do:ridém tadla Dosorotbí tupta pilíksudung.Okodé ipéma:namaji édé ikang.Koikeiké aodé Dosorotké P A pé ikang.Bí longékoném Dosorotké migomdém momig-mosíkla ansíngoupé dungkang.

Sadin-27 Juin dok ইলেকচনৰ যুঁজ dém atsonsunamé.