KUMRÍ

                       Deboraj Mili

Lu:jarsok ngok dungko okumsok

Ru:tumké ke:di: ísí:do péttang asupko

Kowung ao pirpi:ko du:bola

Mé:po-ménganna dung píag pirnyiko.

Yabgo moge:míloi

Ka:begdag

Tadbegdag

Píag amigdo

Tani: asin agomém

Tani: ayang agomém.

Mo:té:pé du:né na:nébí yumdí-ro:dém

Mé:dír saggém gídag

So ngo ko: ni:né néng akolok yaloko

Lo:dípé ka:begdag.

Ka:la:-tadla su:pag ngo kinsudag

Yabgo moge:la rokompé ka:begnam

Mo:dísok yalodé

Ma:nyingémpé ka:pomang.

Do:lu:lokké gíge:la

Lu:jarro okum bomna du:né

Miné-míjíng kídíngé lékoda

Gílatkunam ma:nyingém ka:dag

Émpige:la okolopé gíyékun?

Ayir kungke:lo tedge:la siyum-sí:ro

Ngo:sin kíla du:do po:lo-longngém

Péso pésola.

Yabgo moge:míloi

Ka:begdag

Tadbegdag

Píag amigdo

Tani: asin agomém

Tani: ayang agomém.

Rutumké okum ríngngodo du:dag

Iyíngkopé érangé

Émpige:la

Kumrí émpé Píag pirnyo:dé.