কেনে আছা তুমি
জ্যোৎস্না ৰানী বেগম
মোৰ ভালপোৱা ষ্টেচনৰ পৰা তুমি বহু নিলগত নামি গʼলা
মাহৰ পিছত বছৰ বাগৰি পাহৰণি হ'ল
চলন্ত ৰেলৰ ডবাৰ হিচাপ কৰি যোৱাৰ দৰে
বছৰবোৰ পাৰ হৈ গ'ল
তাৰ পিছত বিছিন্ন হৈ গ'ল আমাৰ চিনাকি
মিছামিছি অবাবত ফুল ফুলা সপোন দেখিছিলোঁ
আকৌ কেনেকৈ জানো ----
মোৰ চিঙি যোৱা প্ৰেমৰ শিকলিডাল
ক'ত কেতিয়া ক'ৰবাত সংযোগ হৈ গ'ল
নুবুজিলোঁ
কিজানিবা এয়া যান্ত্ৰিক বিজুতি ঘটিছিল
শৈশৱতে নিষ্পাপ ভাল পোৱাবোৰ
পিছলৈ তুলাচনীত জোখ -মাখ হৈছিল
হৃদয়খন ছিটিকি পৰিছিল ক'ৰবাত
ঠিক ফাগুনৰ শিমলু তুলা গছতেই ফটা দি
উৰি ফুৰিছিল তোমাৰ সন্ধানত
কলিজাখন ওলমি ৰৈছিল "এদিম -চেদিম বা" খেলা দিনবোৰত
এতিয়া
মোৰ খবৰ সোধা নে কৰোবাক
মদৰ নিচা বেছি হৈ যেতিয়া জ্ঞান হেৰুওৱা
ৰাতি ঘৰলৈ উভতনি পথত
মোৰো তোমাক সুধিব মন যায়
কেনে আছা তুমি
ক'ত আছা
ভাবা নে মোৰ কথা কেতিয়াবা
এতিয়াও মোৰ হৃদয়ৰ ভাৱনাত
মাথো তুমি তুমি।।
কেনে আছা তুমি ??
Doksiri দকচিৰি, জানুৱাৰী, ২০২৩
No comments:
Post a Comment