অস্বাক্ষৰিত দলিল
দীপিকা ফুকন
গোলাঘাট
আৰু কিমান জ্বলিলে
মোৰ হৃদয় দলিলত
তুমি স্বাক্ষৰ কৰিব পাৰিবা ?
প্ৰতিদিন প্ৰতিৰাতি জ্বলি আছো
অথচ মই জ্বলিয়েই থাকিব পাৰো
অভিসাৰিকাৰ তালিকাত মই পঞ্জীয়ন কৰিলো
তোমাৰ বাবে আৰু এখোপ চৰাকৈ
এতিয়া জ্বলিব পাৰো
তুমি এটা চোকা ৰ'দ হ'বা
ভৰ দুপৰীয়াটো বুকুচাত বান্ধি মই বহি থাকিম
আহু ধাননীৰ আলিত জঁয় পৰা বনবোৰৰ দৰে
পিতায়ে কৈছিল
নদীৰ মুখৰ ভেটা নহবি
পাৰিলে সাগৰ হ'বি
ধুমুহাৰ সোঁতত নিজক এৰি নিদিবি
বৰগছ হ'বি
তুমি এজাক বৰষুণ হ'লে
মই তোমাৰ বাবে সাগৰ হ'ব পাৰো
যেতিয়া তৰাবোৰে আৰু পোহৰ দিব
অৰণ্যৰ ছাঁ আঁতৰিব
জোনটোৱে পিয়াহৰ পানী বিচাৰি
সাগৰলৈ নামিব
তেতিয়া মোৰ হৃদয় স্বাক্ষৰিত হ'ব।।
ফোনঃ 9531121318
Doksiri দকচিৰি, জানুৱাৰী, ২০২৩
No comments:
Post a Comment