পুনৰীক্ষণ
দীপালী বৰুৱা
তাইৰ তৰঙ্গায়িত স্বপ্নীল পৃথিৱীখনত
যিদিনাই তেওঁৰ পদচিহ্ন পৰিছিল
সহস্ৰ যোজন অতিক্ৰমি তাই গুচি গৈছিল নিজৰ মাজলৈ
ছায়াঘন দন্দ- বিৰোধ, কটাক্ষৰ মাজেৰে পুনৰ উভতি আহিছিল
আত্মবিভোৰ হৈ তেওঁক চেৰাই গৈ নঙলাডাল খুলি দিছিল
ধুমুহা এজাকে বা-মাৰলিৰ ৰূপ লোৱা পৰতে
আকাশখনো এন্ধাৰ হৈ পৰিছিল
তথাপি তাই স্থিৰ হৈ ৰৈ আছিল
ঘূৰি চাইছিল তাই
তেওঁ তেতিয়া তাত নাছিল
স্থিৰ হৈ ৰৈ থকাটো বৰ কঠিন
তাতোকৈ কঠিন নিজৰ মাজলৈ ঘূৰি যোৱা
কথাবোৰ বুজি উঠিছিল তাই।
Doksiri দকচিৰি, আগষ্ট, ২০২৫
No comments:
Post a Comment