PO:LO AMIN

 PO:LO AMIN

                     Digen Taid 

Ginmur po:lo ang-kumí:l

        Singgi gipun punyeku

Gallíng po:lo ang-kumíl

        So:yu:bí kaptatsuyéku.

Kombong po:lo a:yépé

        Néyyé néngan nganyépé

Iyong po:lodé a:yépé

        Layyé a:mém gadyépé.

Tanné po:lo a:du:bong

        Ke:di: bélang mindu:bong

Yi:lé: po:lo a:du:bong

        A:m amdang ledu:bong.

Lobo po:lo a:toném

        Pi:mug appun pundu:né

Ité: po:lodé a:toném 

        Ríga:l pe:ret piddu:né.

Dísang po:lo gia:míl

        Pétu ra:sor dopa:yé

Térém po:lo gia:míl

        Pinu a:mém gatpa:yé.

Kíjir po:lodé gia:yém

        Tangar antég régnamé

Bising po:lo gia:yém

        Bédu gasor bomnamé.

Doksiri দকচিৰি, আগষ্ট, ২০২৫