NO GÍYA:MÍLO AIDAGAI

 

NO GÍYA:MÍLO AIDAGAI

Tuniram Médok

Ngok ka:lí:doi ka:nam

Mukkangé opan-panné do:mírto,

Ngasodém yonlusula loladé

Aso aso:pé gíyi:dagai.

Ngo toyal dungai ka:lí:la

Appí:pé ase:né mo:jarné mo:píko,

Ka:tíla du:lí:mangai ngo

Do:nyi:é miga:la ka:nam

Ésa:ma:né aríkko.

Ka:lí:tagai ngo yuptabné a:nélok

Siput-pudla anupé tésa:namko,

Tadlí:tagai ngo Guni,Amro gatkodo

Mé:bo mé:mínsunam ni:tomko.

No mé:du:pé !

Ngo gímílo élé do:lungé:lém kédyedné

Míji:né Mataurié:lé íji yalo gíyepé,

Simad-madné a:né ru:yiké

Along tígírné okumé

Angké sagí gíyepé.

Émdaggom,no gíya:mílo aidagai !

No gíma:ru:mílo-

Tí:líng kéno:né ngok do:lungé:lok

Aríg ijon ajoné,

Lamku bedné arígé:lém

Mikkíma:pé ka:la du:pé iyepé.

Ka:no-noma:pé ka:lí:daggom bulu

Yilé po:lo yirné aríg moimangko

Takkon dítakto:pé ka:begma:yepé.

Doksiri দকচিৰি, আগষ্ট, ২০২৫