AYANAM APPUN AMÍ:DÉM LELÍGNAM BOJÉRUNGKO IKABONG

                          Diprekha Panging

Mé:bonam appun nérí:dé

Gené bírdug a:pé imílo

Ngom po:pébong lubisudag

Gené bírdug, gené bírdug gído émna

Gené bírdug, gené bírdug a:nam ayirdo

Ayanam appun nérí:dok

Appun kídídé nampo nama:dag

Ngok okumdo namu:la du:dag

Ésar sarkub sarraddo

Bíg arídém namna asin mé:podo

Gené bírdug a:yemílo lodísém

Mé:bo:nam appundo yummém

Ngo bím kíbisudo lubisudo

Lékoda mébo:nam appundé mé:dír sagídém

Takar appunpé punna mé:po modung.