GINMUR ÉSAR

                            Jahan Dole:

Okka:n!

Ngo étsangkang!

Gíné dítagolo ngo

Tapum-tari:lok ri-ri émna kabkodo

Kédgo:mínna kabmínto.....

Okko ngom kabmodang...?

Anu Lambé kamang

Anu agomé kamang,

Lunné lutídag Dirbí-Yélam agomém...!

Édé okkon..!

Ta:to-Ya:yoké yaloém goksula

Kanggo:toném ka:pa:to-------

Dumdumno démyettung, makso:lo soyettung

Ajin-Aponglo doyettung-tíyettung

Réngamsé yedla dung!

Édém angké:so sé:ko

Ki:par kísa:pé jojémton..?

Ginmur ésaré sarpatkang

Angké:sé étsangkang,

Ngok amiksé migjaryangkang

Muksup kama:né lambé lengkang.

 

Mo:té:pé nge:toném unte:néko ka:pa:dung

Odopé ngo gítíla gíla dung…!