YOGMÍLO ANÉ AGOMÉ

                                             Horish Doley

Agomsé asin do:ying kísarsunané

Édém appíngéi kindag

Agom agom émdaggomsin

Lupola béjékoi ludaggomsin

Ané agomsém dérya:né kama.

Ané agomsé kangkinsubodag

Aíké dírbí-dírlabém

Léngkandag yelam bédangém

Tani:dé tani:ongé émdogom

Bí lubidag no oko opínén.

Kadung mo:píso

Ajji-bétté béjéko agomé

Rémdung sé:kai

Pandung sé:kai

Pandaggom opandé

Ngokkésin kadung opínko

Do:yi:dém lukanbidag

Ané agomdé.

Oksijenma:m turma tanié

Ané agommam 

Turma opíné

Kamanggomsin opiné 

Aré kama taniyé.

Sedung émna ikolo

Pagdung émna lukolo

Ané agom mésuge:la

Aí tani: ara:lo

Ami agom lutímílo

Ané agom yogyerung.

Adí-ayir kadodo

Édag-émang mé:mílo

Ané agomé siyérung

Ané agom yogmílo

Kin-ge:la:sin kinma:némpé du:mílo

Nokké nérí:-tu:yingésin yogyérung

Nérí:-tu:ying yogmílo

Pakkínédé mé:sudogom

Amme nomsin yíryerung.