OBONORI DOGNÉ
Bhaigeswar Pogag
Bí obonori Korong lokké
Kuyak sulli ara:dokké
Mangkí mangkíla ma:sa:né
Gené mo:písok némíngko.
Pumi: pu:yudnam lottado
Raggo ban-yudnam réngamdo
Osiksula do:né unné dognéko.
Do:lu:lokké mibo mo:lu:pé
Aíké agom bírbém léngkansula
Kin-go yammín tíkumné
Kede: ara:lokké unna do:né dognéko.
Nokké dakorém mitpanmang
Nokké ngi:tomém mé:yoksumang
Rupkolo du:né réngamsém
Ruwad bédangém léngkanné
Mising réngamkosin dung émna
Mo:pí mo:lu:ngém kinmoné.
Nokké dakorki kordung réngamé
No Kakuma:la okolai kortumsudunei
Agom dakorém nokké réngamsé?
Réngam migur bulu lutkep bi:nam légapé
Toka:la lé:nam pora:do pítkepsudunei?
Obonori dogné no bulum
Gyan-buddiko bitei réngamsok légapé.
Nokké ma:nam yummadém
Réngamsok légapé gernam agerdém
Silo ngasotko lendu:némpé idung.
Obonori dogné nokké
Onané longé bilí:dagai ainé aséngko
Réngamsokké mé:poné lutatko,
Nom lubikupé kamang
Aséng lutatko
Mé:dírla dung nokké réngamsé
Nom lubisulangkuma:la mé:po agamko.
Migom tonam porang ara:lo a:mogela
Mopinbomdung potikosin lé:ma:pé
Sípínpé mé:dung ngasa:sulama:dope.
No comments:
Post a Comment