AIPÉ MÉ:DAG NOMMONG
Bipin Taye
Noíng ngok ro:rokomlok
Do:nyi píangé
Noíng ngok kémoné yumélok
Po:lo loladé,
Kinsumang asinsé okkomsin
Aipé mé:dag nommong
Ngok kéra:lokké no gígéndaggom
Lo:dém lo:dípé ríksu:lamanggom
Aipé mé:tíyé turdag takamso
Mé:nam ko:nénom.....
Ngok asin ayangémsin
kepkumna lé:biyé ayang payekso
Lupénam agomém
kéra:pé lulamanggom
Apir apirpé asin agomém
tíkum tíkumna
Adge:la bipé nom asin do:jígém
Mé:padag lo:dípé nok
koyémna yírnamdém
Yupsík sula:madopé asinsém
moyosul du:dag nok
kangkanné yalo dé
Bimang se:komsin nom mégela
Ngok asin aya:sém
Mé:mang se:komsin
Nom mitpan sugela oinu ko:néngém
Turdagsokké sidagdopé
Ngala dudosokké
Ngalang kumadodopé
Noggong ngok aipé mé:namé
Noggong ngok turjon ajoné......
No comments:
Post a Comment