সম্পাদকীয় (Nébíngké Lupénam)
Bérsa:su:l Ka:na:n Ayiré Kamang Té:rém Po:lo A:dung. ( মূৰ তুলি চোৱাৰ সময় নাই আঘোণ আহিছে )
Ngolu misingé amo yonsu:né amolok taniyé, aro taniyé. Amo:mé aipé mé:nam agomko angurupé lupénam kamang. Amongké lédulo ngolukké to:dí to:dílokkébo kangkiné.
Amongkélang tani:ké ayangki sa:lendag turra du:nan ayang kusereyé. Édém dola-tí:la turrra du:do ngolu taniyé.
Té:rém po:lo a:yemíloi gené mo:pí:bí lí:pagdag, tani asiném mé:pomodag. Sikí-silí:la gernamlok arrém té:rémbi bidakku. Émpila mitomésin té:rém po:lo a:yemílo ngémsa:sumapé mé:tomém addag.
Té:rém po:lo a:yemílo okum éra:lo taniyém mala: pa:mang. Longé-lo:bung aríglo érang taniyé a:mém gadla, dangoriyém jo:la mo:danmapé ila: yedag. Mo:manam agerko pa:nam légapé éddíko sikí-silí:la po:pé agerém gerpénampé idang édém aríg iné taniyépag kindag.
Té:rém po:lo:do aríglo yekanpé ngolusin turra du:doso aíké turna:n aríkko ménggabdanna ipénampé idag. Édémousin iki-mokinmamílo turra du:doso okolosin mé:pola dungkom pa:mayé. Émpila adí:lok agerém adílo gerbídnamdo aino agomé, ainé ageré émna kinné-pa:né, abíné taniyé ludo.
Tapan Lal
Nébíng (সম্পাদক)
Doksiri দকচিৰি
No comments:
Post a Comment