Ngok Yubko Ma:yibo No

 Ngok Yubko Ma:yibo No

Kiron Payeng

Karachapori Gaon      

Ngok yubko ma:yibo no 

Gíwado lo:dísém

Kíbidak ngom asin do:yingém no

Yumédok po:lo: loladdo

Nok kamponé migmodém 

Airu:pé kangkandopé ka:dung ngo

Nok nappa:do kíngap kamang 

Bíntu:la gíné ngonyi mé:nam do:yingém

Mé:pa:langkula ngok asinsé

Ní:pinbomdung kaplíngé 

Miksé bitdung kinsuma:pé

Nappa:so ngokké agom lento-kumang.

Miksé ngokké píngékang !

Nok do:ying kírídém tadla-tadla

Ngo lekoda yubngaksutoku ma:yibo.

Supak kinsulangkula

Magodungku nom kéra:so

Kapila gíadon no 

Ngok yubko ma:yibo

Lukítei ngom...?

No asinang ola gíwadonei ?

Ma, ngo asinang ola no gíwa-dun.