Dugdatsunédé Sé:kon

      Jahan Dole:

Ménmangada sé:kosin,

Mékitpé kidla dukkang bí.......

Bím ngo así arémkolo buma:moge:la

Moima:dém ka:to, 

Bík asindém ka:begla

Kinto ngo,-----

Ménmanggomsinéi dugdag

Aima:né asin-a:puk génédé.

Ílíngé i:ddag, sulliyé i:ddag

Méngkin ma:namdé i:douya:dag;

Bím lubiyen sé:ko?

Luyir lunédém mé:modag bí

Lambé gíyír nédém posodag bí

Sogappéké edgappéké émna...

Naré:né asinko gémopé mé:la

Bík nappang-ayodém

Ansí:né angkangkolo jí:bud líktung...

Ansí:né nappang-ayodé

Turnam míngku amíngé.

Bí gu:tun sunéko...

Bík nappa:do língír-língírné

Guné yogíré dinggabla dung..!

Bík kéra:lopé gía po:yok

Nok rémagné 

so:yung-nappangém  ukpéké.

Bík nappa:dok dake: ké:la gíyi:dak do:nyibí

Gesi-geyomné ager tarungém 

Miggírla ka:sandag....

Ngom kange:la dukkang lo:yitpé;

Naré:né asin gasorko

Ansí:né mé:lotkolo jíngge:la

Mé:tungai po:rumpé....

Bí dukkang ésarpé...

Ésardo ímmé dorsa:la

Uga:bomkang bík gu:tunsuné

Ajin-amírém.....!