Bogenké Bolíng

            Tuladoi Pa:yeng Taíd

       Bogenké Bolí:mé Bogidoibí bíni bíla bísa:bosabitag. Bogidoibí  Buttumké bírmé. Bolí:bí bermígmínsula Bogidoimé berbomdungai. Bíko-bokolo bígu:bíamangai. Bogidoibí Bolí:mé bíni bíddom bejerungko bíki-bíakkangai. Bí bíni bínamém bédjarkosinéi bíbeg-bobektokumanga:kuboi. Bolí:bí bígémarpé bétté bomkang. Bogenbí Bolíngké babu:é. Bikirambí bík ba:bu bétté. Bolíngké ba:bu bétté Bikirambí boglong boglongémdag. Borka:muglok béttarsuya:nédé. Bolí:bí béttétésala bígémpé bík ba:bu Bogenbí Bogumtok  Boddeké Bírsaimé Bolíngképé boríksubikolo:pé bérbomkang. Bolíngké ba:bubí bígémarpé bomjeko bomlíngkang. Bomjeko bomní:la Bolíngké ba:bubí bulum bujoni:ko bujaibito. Bolí: bí:lang Bírsai bínnyem bípumsumoto. Bolí:bí bígémpé Bírémké ba:bupé batpakkangku. Bolíngké ba:bu Bogenbí Bírémé bílí:-bolíngé bejebadla bígémarpé bíbeg-bobekto. Bogenbí:dan Bírémmé bongasuma:pé bíbeg-bobektoku. Bogidobí:dan bíngerédandopé bíbeg-bobekto. Bolí:mé bíní-boní:danma:pé bíngersuto. Bomje-bomla Bírsaibí Bírémmé bímo-bomongéitokumangai. Bogenbí Bírsaimé bangkí bang-go:la bokanisudag. Bomje bolna boserékkopé Bírsaibí bungki bu:ram bungkíto. Bu:la bu:sam  bu:ramém bu:to. Bírsaibí bérgo:bérgo:la Bolíngí:mé bérbeksutoku. Bérbeksulangkula bínnye bérpumbosutoku.