Léntokuk A:mbíra

                                            Karsang Takar

(Sivsagarolok ajon anishma miliké alaglopé atyarla)

Yumrang Aralokké géjík géroné nésina

Nok tamsíkla ménam potiném kublentoka

Kébungé rékpéké,taksíyé jampéké

Nok yabgo ku:kkomnam ayang gompírdém.

Sunkénlok ta:mpérado okkomei létusong

Ammé kamílo lupéké, néné pa:nné jumpéké

Mo:rumoné émpéké,Ka:sulangka ambíra

 ngosan ongo ínam namsingémpé nampayépé.

Lékoda gíléntoku singíappunpé íla

Haloki péttangém ngényínsula,

Nok alakkí anu métomém atlénla

Sé jíkong aríklog sobo nangolém mégela

Pétu aríglo tatkupé nok ayala monam nítomko.

Léntokkuk no lékoda 

Nok alaggogyar nam pénénm bo:mla

Kamponé yamédok dumsíg do lékoda

Aipé ménam Mising anéké abígém jéla.