Ohom Migom Lokké Gomlab Penson 2021 Pa:né Po:péké MAK Lokké Keba: Nébíng Kalinath Pnggíng-mé Luposunam
Luposuné : Dr. Abhijit Pa:yeng
(Mising agom gomlab léga:pé a:ng tolígla ager gerbomna gíné po:péké MAK lokké kéba: nébíng Mg. Kalinath Panging-mí Ohom migom lokké gomlab penson 2021 toyumna Mising agom gomlab mé:boné Mising réngamé aipé mé:yum sudung. Odok léga:pé bím luposunamlok do:ying-do:mo:ko poriné ope:lo:pé tolíktung.)
Abhijit : Sa:r, kumpa:sudung.
Kalinath : É, Kumríksudung.
Abhijit : Nom Mising agom gomlab léga:pé Ohom migomé Gomlab Penson 2021 ki toyum tung émna kinna Mising agom gomlab mé:bon kísapé aipé mé:po:dung. Nokkolo:pé asé:lígdung. Sém kinpa:la nokké asin ara:lo mé:nga:nam do:yingékké kísarsukí.
Kalinath : Ohom migomé ngom Gomlab penson 2021 binam léga:pé ngo aipéi mé:podung. Bulukkélo:p ngo a:ng aséngko bidung. Aro agomdém lumílo Mising agomlok sorsa:nam léga:pé sém ngom bima:népan, Ohomiya agomloksin Gomlab sorsa: mola:pag bitu:némpé mé:dag.
Abhijit : Nom oko potindok léga:pé Ohom migomé Gomlab Penson 2021 bitun ?
Kalinath : Kapin potindok léga:pé bitu:song, kinna:tomang. Émdaggom “Ayang Abung” émnam Ohomiya do:yar potindém lu:la bitu:son !
Abhijit : Mising agom gomlab léga:pé a:ng tolígdanna inam-gínamém édílokké kapé mégangka:n ?
Kalinath : Lupé lumílo Agom Migang Nahendra Pa:dun sa:rké dítag 1981 dokké dítag 1986 do:pé lenné “Lutad” émnam Mising agomlok Lutad lennam adídokké ngo nérkíkpé Mising agomém adnam-ponamém iropto.
Abhijit : Mising Agom gomlab bélamlo nokké ka:yi-tadyi:sunamdé se:kon ?
Kalinath : Mising Agom gomlablo ngok mima:pé ka:yisunamdé Agom Migang Tabu Taíd, Agom Migang Nahendra Pa:dun odokké Dr. Bidyeswor Dole: sa:rbulu.
Abhijit : Nokké su:lo:pé la:lennam potiné édíko ika:bon ? Potin kídarrokké aminém lukan kítoi.
Kalinath : Su:lo:pé ngokké atékpé la:lennam potin 13 kopé idu:bo odokké Nébí:pé bílennam potin (ako-annyiko dumsula) 16-ko idu:bo. Potin kídarroké - Ni:tom Kélíng (Mé:tom potin, 1996), Asin Songkid (Mé:tom po:tin, 2012), Gamig Mimang (Mising GK, 2013), Ané Kéréng Gompod (Gomsar tíkum, 2013), Mising Miyum (Atsonsunam do:yar, 2015), Obonori Poriya Panging Ope: (2015), Noiporiya Sanskritir itho-Itho (Prabandha sankalan, 2016), Ayang Abung (Upanyas, 2016), Do:dí Díyir Do:déng (Do:déng tíkum, 2017), Kramabivartita Mising Bhashar Lipi - Eti Chamu Itihas (2019), Mising Agom Kébangar Chamu Itihas (2021) atí atí.
Abhijit : Mising Agom gomlab lokké alamé kasa:du:bo émna mé:dagnéi ? Alam kama:damílo kapé imílo nérkíkpé alam kasa:ye émna mé:dang.
Kalinath : Arodém lumílo Mising agom gomlablokké aiyo:p alamé kama:da. Ager de:kko gerpénammé kadu:da.Gomlab Alam kanam léga:pé ngolu bojéko agerém gérpa:yeda. Mising agom sorsa:n kídíngé angunné réngamlok gomlab alamém ka:yirsula agerém gérpa:ye, ngoluk aísuan réngam ngamlodém gomlab mima:pé tílennam agerém gerpa:ye.
Ko:kang potiné aipé pí:ramdung, atsonsunam potiné aipé pí:ramdu:da, bangkí bangkí lugéngém tígé:la adnam potiné aipé pí:ramdu:da, édémbulum si:sa:né ope:é ríkséng aríg kísapé Gomlab ríkséngko ipa:yé.
Abhijit : No, su: okkom adla du:n ?
Kalinath : Ngo su:pag Ohomiya probondho songkolonko la:lenpé émna dagrobdung. Odokké MAK ager ékké gerra dung.
Abhijit : Nom, édílo okolo otagan ? Porinamém no okolokké poriropkan ? Odokké migom ager atí ?
Kalinath : Ngom Lokhimpur mo:dumlok Obonori a:né ru:yi:lok Bali Sapori do:lungdo dítag1959 (1960 iskul sertipiket lok dungkamp) lok longkí 31 Agosto-lo otagai. Ngo pobug pogoém Hatiya mora sapori L.P iskul, Hatiya mora-lo poriropge:la ‘Graduate’ do:pé popíngka. Odokké ngo dítag1985-do Bharot migomlok “Field Publicity” (Ministry of Information and Broadcasting)-lo kerani agerém gerropka. Odokké lédupé “Asst. Publicity Officer”-pé ila dítag 2020-do penson pa:la gílentoku.
Abhijit : Mising agom lokké anu abíg ponam alamdém no okko émdu:n ? Nokké méngkípé ainam aimangko lukanbitoi.
Kalinath : Mising agomlokké anu abíg ponamdé aima:pé imang. Silo-mélok “practical”aloddém ka:yémílo aidag émna lula:dag. Su:pakké abíksém Inglish polotpé podaggom Inglish émna m:pé lagimang, ngolu moyinsunam Ruman abíkki (modified Roman script) Mising abígém podung-addung émna poripé ido. Ngoluk Mising abíksé Inglish abígém gésudag, manggom Inglish abíksé Mising abíg kísapé idag émna mé:la ngolu pomo-admílo ngolukké mé:mursupénammé kamang. Odokké sé anu abíksém appíng kinla:dopé lomdanna ka:yir-luyir potinko (hand book) MAK-é la:lenmílo aido.
Abhijit : Nokké méngkípé sí:san takamé Mising agom gomlab léga:pé kapé ipé iyen ?
Kalinath : Si:sang kídíngé Mising agom-gomlab pu:po-jarpobonam léga:pé arda:la (M:tom potin, 1996), Asin Songkid (M:tom po:tin, 2012), Gamig Mimang (Mising GK, 2013), Ané Kéréng Gompod (Gomsar tíkum, 2013), Mising Miyum (Atsonsunam do:yar, 2015), Obonori Poriya Panging Ope: (2015), Noiporiya Sanskritir itho-Itho (Prabandha sankalan, 2016), Ayang Abung (Upanyas, 2016), Do:dí Díyir Do:déng (Do:déng tíkum, 2017), Kramabivartita Mising Bhashar Lipi - Eti Chamu Itihas (2019), Mising Agom Kébangar Chamu Itihas (2021) atí atí.
Abhijit : Mising Agom gomlab lokké alamé kasa:du:bo émna mé:dagnéi ? Alam kama:damílo kapé imílo nérkíkpé alam kasa:ye émna mé:dang.
Kalinath : Arodém lumílo Mising agom gomlablokké aiyo:p alamé kama:da. Ager de:kko gerpénammé kadu:da.Gomlab Alam kanam léga:pé ngolu bojéko agerém gérpa:yeda. Mising agom sorsa:n kídíngé angunné réngamlok gomlab alamém ka:yirsula agerém gérpa:ye, ngoluk aísuan réngam ngamlodém gomlab mima:pé tílennam agerém gerpa:ye.
Ko:kang potiné aipé pí:ramdung, atsonsunam potiné aipé pí:ramdu:da, bangkí bangkí lugéngém tígé:la adnam potiné aipé pí:ramdu:da, édémbulum si:sa:né ope:é ríkséng aríg kísapé Gomlab ríkséngko ipa:yé.
Abhijit : No, su: okkom adla du:n ?
Kalinath : Ngo su:pag Ohomiya probondho songkolonko la:lenpé émna dagrobdung. Odokké MAK ager ékké gerra dung.
Abhijit : Nom, édílo okolo otagan ? Porinamém no okolokké poriropkan ? Odokké migom ager atí ?
Kalinath : Ngom Lokhimpur mo:dumlok Obonori a:né ru:yi:lok Bali Sapori do:lungdo dítag1959 (1960 iskul sertipiket lok dungkamp) lok longkí 31 Agosto-lo otagai. Ngo pobug pogoém Hatiya mora sapori L.P iskul, Hatiya mora-lo poriropge:la ‘Graduate’ do:pé popíngka. Odokké ngo dítag1985-do Bharot migomlok “Field Publicity” (Ministry of Information and Broadcasting)-lo kerani agerém gerropka. Odokké lédupé “Asst. Publicity Officer”-pé ila dítag 2020-do penson pa:la gílentoku.
Abhijit : Mising agom lokké anu abíg ponam alamdém no okko émdu:n ? Nokké méngkípé ainam aimangko lukanbitoi.
Kalinath : Mising agomlokké anu abíg ponamdé aima:pé imang. Silo-mélok “practical”aloddém ka:yémílo aidag émna lula:dag. Su:pakké abíksém Inglish polotpé podaggom Inglish émna m:pé lagimang, ngolu moyinsunam Ruman abíkki (modified Roman script) Mising abígém podung-addung émna poripé ido. Ngoluk Mising abíksé Inglish abígém gésudag, manggom Inglish abíksé Mising abíg kísapé idag émna mé:la ngolu pomo-admílo ngolukké mé:mursupénammé kamang. Odokké sé anu abíksém appíng kinla:dopé lomdanna ka:yir-luyir potinko (hand book) MAK-é la:lenmílo aido.
Abhijit : Nokké méngkípé sí:san takamé Mising agom gomlab léga:pé kapé ipé iyen ?
Kalinath : Si:sang kídíngé Mising agom-gomlab pu:po-jarpobonam léga:pé arda:la agerém gérpa:yé. Adnam-ponamém ipa:yé, bangkí bangkín lugo:lok adnamém ila agomsém mirém rémmonam Gomlab mimakko mopa:yé.
Abhijit : Sa:r, nom luposupa:la aipé mé:pokang. Nom Ru:né bí ésang édula du:moteika émna kumpa:dung.
Kalinath : É, ngo:sin aipé mé:pokang.Nokko:lo:pésin. Sa: aipai.
No comments:
Post a Comment