NGOM LAGIDAGE

                                                 Tuniram Médog

Ngom lagidag Kangírné mo:písém 

Sidok du:né turné turma:né appíngém, 

Ri:dorlok dornam asumo:dém lagima 

Kekonpé bíkké:sin kémoko kadung.

Ngom lagidag do:mírtokké mo:pí:so:pé

Loumboné do:nyikémpin ruatko,

Lagidag ngom ga:né kémpin pontané asinko

Rokom tangarémpé laornéko.

Ngok lagidag írga:né appíng agomko

Kapila:né, abang ba:nyi gombugo:lok

Apir apirpé pirkumla:ma mé:tomko:

Lagidag ngom ésing-ílíng appí:lok geyomém

Turdag among ni:tomdé yagema:mílo

Mo:písé kapé asengla du:yen !

Ngom lagidag mé:tínsunam nékarlok

Mé:pola binam asengko,

Lagidag ngom among-asiémpé ansi:néko

Do:nyi kémpin kémo kama:né ruatko.