TOYANG

                         Jiten Noro

Jili assé aukpé ila

gené do:mírto mukka:pé

ila du:nam kangkítag

okum mépaksunê

rogo:né mukkangè

asin okumíloi otîr

omìrsula dugladdakku

mo:pì ayangeém mala

ali: po:lo lêdulo minom

dokolo gíné pétta: kísapé

no gíyoksukang

silosin ali: po:lo a:yémílo

so:yo: pakkom kabyémílo

ngok rago ko:né asinsé

doga: mala gíné 

péttang kísapé nom mala gídag tolo bolopê

kémmo gía:la yakané

alapki lakkomna

aso:pé yabgo sikkom

dopé ngo nom toka:l 

du:do

émpige:la no uksi:

ma:yíngpé ila

ngok kémo jí:jí:né okum

so:pé gíangkumang

lo:tu yari:pêi 

ruatko bikapé !