TURNAMSÉ SÉMPÉI IKAN

                                            Krishna Doley

                                            Majuli

Ngo porog é:

Appíngei ngom méndag 

Ngo porog é:

Appíngei ngom dodag .

Nokké ngasod ayirdo

Ngomming kogel dodag 

Minom migom gía:yém 

Ngoíng nom toraidag .  

Ngo porog é: 

Amíké lépo kéyiklo lé:dag 

Ngo porog é:

Okum kítíklo lé:dag. 

Ngo yumrang sílu:lo du:dag 

Tani démpetpéké émna 

Ngo péso péso:la du:dag

Si:mín siro do:péké émna. 

Ngo porog é:

Appíng kéba:do tolígdag 

Ngo porog é:

Kéba:dok ngoíng jo:pongé .

Ngom amme: ka:tíddag 

Ngo:mam nolusin ngasoddag 

Ngom amme: ka:tíddag 

Ngo:mam kéba:do ngasoddag. 

Ngo porog é:

Noluk tapum-ta:nying dopu:binné

Ngo porog é:

Noluk réngam kampo mobidag 

Mising réngam írroí 

Mising Agom írroí