Pédong

                     Joya Medok Doley

                     Jorhat

Pédonga pédong opo:yo

Dorka: po:yub mobiyé

Aíké oté:lok aínémpé ila

Lékoném jéng jéngaila

Lékoném rémi: jémi:pé

Pédongé odag

Pédongém toya:la du:dag

Mo:písok píné amongé, ísíngé

Abungé, nésin- némíngé

Péiyi-péttangé

Simín-sikeyé

Lékoném do:mír-yari: lédulo

Lékoném ésarém jonsula

Kampon mukkangém yakamola

Lékoném pu:mu assém gíbola

Sék asinlok mé:po-mé:dír légangé

Adí adílo no gíbidokuné

Ni:tom moman momanna

Ai pédonga? 

Pédong

Nok írnamém aginpéi toya:la du:dag

Ísíng-ílíngé!

Nom jí:sula ngolu

Gemoyé mo:písém

Sanném le:moyé

Pínném jumoyé

Pédong

No:ma:mílo sé:ko ansí:moyén

Gula du:né mo:písok asiném?

No nok gíté:lok aginpé

Gítílangka pédonga

Nom toya:la ngolu

Bértíla du:yé do:mírto:pé