DUMSIG
Karsang Takar
A:né ru:yiso tédla du:ng aí:na
nokké doyingém mé:la
Tu:lung tu:la a:né asi:k lédulo.
Ansi:né ésar bísín lu:bidung
Nokké do:yingém
kayumné arídém dé:né po:pir bí:sin débom bi:tung
No: Taddu:yé
Méyum yumédo:sin
Uksigo:nyibí lu:bitak nokké do:yingém
Po:loké dumsigém gésunamdém.
Yuméké ta:karbísin nésudungku
Nok dumsigém ka:la
Dígdung po:lobí:sin
Nok do:rnam lo:ladém ka:la.
Kapé lo:lad kané no
Kémoné asinsém lo:lad modopé
Kapé kangkankané no: aríné appunpé
Ngo du:lamag longéko:sin
Nokké arado bumurapé dé:mapé
Nok dumsigém makolo.
No comments:
Post a Comment