NGOK ILÍNG

Ma:nying Panggíng

        Ngok yamnédé pobug pogo:lok poyirné.  Yumékoném bí okumdo ankang bohi ka:la dung-ngai, kéra:do ngo:sin tedge:la mobaildém ka:la dung-ngai. Ngo lígémpé bíkké:lopé bérra  ka:toném ka:bekto bí miksém titpu:sula dung. Ngo asoridla tauto no kapila kabla du:n? Bí luto lékor 1 lok anka:lo gomsengko a:dagai "ngok ilíng" émnamko. 

Odo kappénamdé oko agomé dungkan?

Appíngké bohiém ka:to, appí:dei aipé attung émpige:la ako:lok bohiém ka:la miksém motumsula lé:la:toma.

Okkom attun?

Yamnédé gomsengdém pobomkang.....

Ngok ilíng, ngo smart po:npé iye.

Ngok na:n ba:bubí smart po:ném airu:pé  aipé mé:dag émpige:la ngom aipé mé:ma.

Okolopéi gíyesong odopéi smart po:ndém bomla  gídag ngomdan gíbola gíma.

Po:né gíayemílo na:nbí lomdanna sogapkapé gídag émpige:la ngo kabla du:daggomsin ngok kera:lo:pé  gíama.

Na:nbí smart po:ndém longédo lénnyi léumkopé sa:spénamdém édí:lo:sin mitpansuma émpige:la ngom apin bipénamdémsin édílai mitpansudag.

Ba:bubí smart po:ndo ge:m kelidag  ngom momanbotéi émyemílo bí aglí:la ludag ka:begma:nei  mo:mang emna.

Édémpilai ngo smart po:npé ilí:dag.

Na:nbí édílo ba:buké lédulo po:nki luposuyeji odoloi na:nbí ba:bumé po:ndokki dosug mampugdag émpige:la ngom édílo:sin dosug mampugma.

Édémí:pila:yem ngo smart po:npé ige:la appíng  ayirdoi na:n ba:buké kéra:lo du:lí:dag asin ayangém pa:lí:dag.

Ngo tauto se:ko adnédé édé gomsengdém?

Yamnédé luto ngoluk ao Olumbí.

Ngo agomdém tadbegge:la ngapinsukang