ASINANG ONAMÉ ÉDÉ LONGÉDÉM
Monikumar Patgiri
Gohpur
Rongngam pésampé
Tu:tok mudna:mdém
Rémi jémipé tadbégdung
A:né gora ruyi:dok
Ansin ésar sarko:dé
Í:ré pongkírpé agom Lupo:sudung.
Yummayirdok ajon goksuko
Éde ayírdo so:bo-ménjék gíkum sudung.
Ísí: talétok péttang kapnamdé
Do:nyi oa:nam do:jíg bínamdé
Ro:yuk ro:yugla: asin odungaí.
Jí:ríkpé kíli bomgéla
Así tokapé gíné édé míbír kídí:dok
Í:rpé yirra du:namdém.
Méngkin suman asindé
Ro:yag ro:yagla asin ola dungko:dé.
Kémo:jíng émdo:do:pé
Tu:tok mudnam tadge:la
Gídunga:kui ukumpé
Mé:nam do:ying kíge:la
Gípan sukunam éde ayírdé
Aropé kéyíg kéyíkpé míksi dímo:dungaí.
A:né ruyídok
Ansín ésar sarkodok
Alagdém sogabgela luposunam
Éde ayírdé mépo longédém
Amik míksipé bídmo:dungaí.
Doksiri দকচিৰি, ফেব্ৰুৱাৰী, ২০২৩
No comments:
Post a Comment