ALI A:YE  LÍGANG

Hiteswar Kuli 

Bogum 

Noíma:lang ludagan

Ginmur po:lolok 

A:pongarné lígang longédo 

Gíyé émna. 

Émpige:la kapikan 

Tagad, singgi appunéi punkabo 

Í:r pongkírpé péttangé 

Gipun alang mala déngkabo. 

Gíyémílo no gígorlangka

Ngok mo:nu aríg sungkendo 

Asin arabok poyubbo 

Mibu galuk, gonro ugoném gédanna 

Po:ro nogyin, purang apiném 

Annin monin sudanna 

Toya:la dung.

Gíyémílo no gígorlangka 

Ribi gaseng, yakan ege gédanna 

Amli égíném jo:bomla 

Ali-a:ye líggodém igela 

Nok tatpon oi:ni:tomdém mo:írdanna

Tatpop dum:dum lu:pi mannígdanna 

Ali-a:ye, ali-a:ye , émna 

Í:r pongķír mola:jé.

Doksiri দকচিৰি, মাৰ্চ, ২০২৩