Asinang Otídag

ASINANG OTÍDAG

                                Tapan Lal

Toya:la dung émyém

Mo:manggom gílídag

Do:yingko kíkapé

Asinang onamko

Kíla kíkngablamanamko

Mé:la méngablamanamko

Nok angkédo yubngaksulídag

Inggang inggango:pé

Mé:po ma:nyingém ma:la

Turnamsénu eddíko:n

Léko nok aya:dé

Léko ngok aya:sé

Bitpumsula billenyépé

Turnamsok ayang ga:néko

Ngok angkeng ara:bo dugola ka:pé lagimang

Nok ayang ollungko

Turyi:séi noggongké

Angupé lupénam kamang

Ngo nom

Asinang otidag emna.

Doksiri দকচিৰি, মাৰ্চ, ২০২৩