ASINBO DUNGKANG

Krishno Dole:

Nolduwar, Majuli

Mé:ngge:ma:bog émnasin 

Kabge:ma:bong émnasin

Kappei dagson asinsé

Nokgong kolop mé:ngadag

Nommé aipé mé:tídag.

Purnimangoi yumédo 

Po:lo lo:lad yumédo

Karé tayéd tedge:la

Ngonyi du:bo sutagai

Ayang bí:mín sutagai.

Noué mitpan toku:bong

Ngoué mé:la okkom pané

Noué mé:nok toku:bong

Ngoué kabla okkom payéné

Déuoi sagí: gí:la okkom payéné ?

Ngomé mé:ge:l gíkabong

Noué amikém ika:bong

No amik ké:ralo dungka:bong

Ammem ayang di:du:bong

Ngomé mitpan toku:bong .

Gí:kol gí:jon sutagai

Lékor korjon sutagai

A:né ru:yi:k sulli:do

Ngonyi lé:kop dungge:la

Sulli: okum motagai.

A:né rago ru:yi:do

Kouang appun punko arra:do

Po:pír mé:n-go mé:n-go:la

Mé:nam ngonyi sogapkapé gítagai

Déuoi Sí:ta sí:mala sí:sa:nan ayirdo.

Doksiri দকচিৰি, মাৰ্চ, ২০২৩