MISING RÉNGAM LÉGA:PÉ

Bipin Taye 

Mising réngam léga:pé

Ngo i:yém bila:do

Réngamsok léga:pé

Ngo mimagém mola:do

Sinamém pésomang mising

Réngam léga:pé.

Turra du:yé ngo

Mising réngamsok turyarnam léga:pé.

Méngkin ma:nédém lo:dípé luyiryé

Luyir tatma:pé gígéla gínédém

Mising réngamsém aima:pé lunédém

Ngoluk opínsém 

Jí:yudpé mé:né tani:kídídém 

Yapu: yaru:yé ngo..

Mising réngamsok turyarnam léga:pé.

Doksiri দকচিৰি, আগষ্ট, ২০২৩