NOK LAMTÉLO NGOK YA:LODÉ

Karsang Takar

Lékon koném bérkodsula kankítei

donyínglok nok míttub íríklo gítídla gíné yaloémpé ngo gíyé

Ngo émpéi kíndak nok so:nonokí ayang alangém pa:lamang ngo,

Émdakgom nok lamté gíkolo

détum daktumla mukkangpé yítumlídak..

Kapéné nok aípéménam ayalok ngosín komséré

Amí kémpé ílamangom yumdéng ayír a:mangopé

nok ayangém ma:la ukséré díkséréla kabnéko...

Nok ayang dé so:no nokíyé 

Bojarolok arí nérpílamané ménamé,

Bojarolo pétu amíng ko:la sumola:mané ayangé

Émdagom sísané gípuné 

Kérado pa:yémílo lé:la du:né 

Ayangokosín bísulídak.

Doksiri দকচিৰি, আগষ্ট, ২০২৩