JÉKÍK
Digen Taid
Majuli
Ansí:né asiko tí:tít sudaggom
Tí:sígé sula:ma:pé jékígé
Kíksa:dung ména: ména:pé
Apin kosagdém dotít sudaggom
Dosík sula:ma:pé jékígé Kíksa:dung
Anin Aninpé, jékígé bagém bagémpé.
Ajji:la du:dagdo ané abu bulu
Ngolum luyirko lubidungai
Édílai jékígé sa:yémílo
O:kaiko dotit suyémílo aidoku,
Édílai apiném dodagdo:sin
Dokíksula jékígé Kíksa:mílo
Upo:ka émna lényi léumkopé
Mittubdém pisumílo aidoku;
Sé:bí édémpé inémang-
Ngom se:kaipag lugéko gédu:pé!
Se:kobín édémpé ngom lugé génédé?
Ato ayo bulu lékoném lubidagai
Se:kaibí sékkaiké aminém mintomna
Lugéko géyémí odo jékígé Kíksa:do
Se:kobí lugékaji bím minnat sukumílo
Odo bíkké jékígé aidoku -
Se:kaimé akoné bí édémpé ainékoné
Émnango:sin mé:pola lugomsin jékígé,
Mé:nyi:la lumílotu déryango:pé jékígé.
Arrolang édé lunam agom appí:dé
Aromílo ngo ménna mala gípo:pé
Sigla gípo:pé asin arang ara:bolog,
Ngom ménggoko mé:la du:monédé
Se:koji bím ngo magabla kang-kípé.
No comments:
Post a Comment