MO:PÍSO RONGNGA:MÉ
Krishno Dole:
Nolduwar, Majuli
Tani:yé atér atéré yirra:mang
Yirna:pé ajonko lagidag
Émpige:la tani:log ngasod a:yémílo
Atér atéré kappénampé idag
Kapéné ngasod ayirdo
Ajon émpé sékosin kakumang.
Ngo kindag nok légapé
Ngom lagimang
Émdaggomsin sé: asinsé
Lo:dém lo:dípé
Nom-mong mala kabdag.
Bagémpé édílai íkid íkidla kablí: sa:dag
Sé:kaimé pa:nam légangé
Appíngém mitpantungai
Émpige:la bí:yei ngom mége:la gípakkang.
Longékoném sékkai léga:pé
Ngo appíngai
Su:pak bík léga:pé
Ngo okkosinei tokumang.
Odokkídíko ikír ipak idaddo:pésin
Lodém lodípé sé asinsé
Nommong mé:pa tídag
Émpige:la no kapila arraddan ?
Agom ako aiyopé tadgaptog
Longéko ngok kama:mílo
Kapiyéji édé agomdém
Lédípé kinyékupé.
No comments:
Post a Comment