NO: KINSUMA:

 

NO: KINSUMA:

                    Gojen Sondro Noro

                                          Majuli

No Misingé, no kinsuma

Nokké lekelok aíké agomém.

Abo tani:bí 

Agomém adbika 

No Misingé, no kinsuma.

Lekelok agomém no mitpandung

Yakan mukkangé nom yingkomdung.

Taburam Taíd-ké agomém

No aíéi pokinma Nahendro Pa:dunké Gomlamém lamkinma 

Agom-Dírbí do:yingém 

Bottapé jenggo:dung 

Opinsok do:yinge:m kinsuma.

Misingé émna pakkípé lusuyo

Mirémdag émna bottapé mé:suyo

Silo no aíém kinsuma:mílo

Lekelok tani:ém mitpanmílo

A:péné longédo aíém yogmoye

No Misinga opané pan-ye.

Me:lam agomém mé:no:supo:to

No Misinga, no kinsuto.

Doksiri দকচিৰি, মে, ২০২৫