Kapila Ayiso:pé

 Kapila ayiso:pe?

                                            ✍️Gubin Noro

                                                     Lakhimpur

        Tani ope:é kapila ayiso:pé oipénampé ikan, odok atí atí ékké dung. Tani ope: Mongul tookké lenna Iyang-sikiya, Uang-u a:né ru:yilo aba díttakko dungka. Lédupé atí atí ngasodé lenna akedé Sinapé sangkang,akédé Sanggopé gíla Borma, kombudia,Mansuriya odokké akédé Tani ope: Tibetpé gíla tolosin aba dítakko du:to. Tibetto du:dolo, tolok Migom Tsrong Tsang lukang-

1. Ngokké mo:rumso du:pémílo nolu appingé “Buddo” yelamlo a:pa:ye.

2.Kapiné ope:é a:líma:yeji, bulu ngom do:ré bipa:yé.

3.Oddokké taléngké atkannam annyitém kapi:n ope:é bima:yeji bulu sé mo:rumsokké gípakpa:ye.

         Ékunammé Tani: ope:dé Buddu yélamlo:sin angge:ma odokké do:résin bige:ma émla Songpu a:né ko:la ,ru:yi ruyi gíla Bharot mo:rumsok suk Orunasol to pí:to. Orunasoltokké okko léngé ayiso:pé gítokton odoké:sin abako do:ying du:ng.

  1.Ainé aríg among léga:pé akon adidokké akon adi:do:pé gígo:la du:dolo Tani ope:ké kínggí:né ngasodé angkang.Aíké opín pamí-démmín supénampé ikang.

     TALU-TADUK PAMÍN

     ------------------------------

     Talu bí:la Taduk bínnye bíro kumsai.Anyag aríg monan léga: burradné adjao:né amo: légange’ dongusukang.Talu ope:do Dai, Darig,Yosom, Régon kídi:dé dungai odokké bulu Siyad a:nédok pésang Turung émkodé dungai. Taduk kídí:dé Siyad a:nédok kekonpé Magmang émko yi:be:do dungai.Odosin bulu du:po pomínsutoma.Taduk ope:dé Taluk ope:dém ísíngngém namoma,apta gímoma, a:nédok ongo sogabmo:mapé ajé:tíla dungkang.Dépila ru:yi “Kampang” do:ludok du:né Mékír bí:la Ménggu agomdém konna nare:pé du:lai émla kébangko gokto. Kéba:do Talu ope:ém murko kinggénko(ৰুপৰ চৰিয়া) odokké Graloying ko:bíng(এধাৰ বালা) tomsakto.Émlai kapiyen, Taduk kídí:dé bulu ge:manna gengge:la tomsakkí:dí:dém sa:mík-sa:sikto. Dépila,anyidula Mé:gu, Pa:si kíngé Tadukkoki mimag magla Tadu kídí:dém odo mo:tagdokké ménpakto.Dépila, Tadukkídí:dé Dibang, Sikang a:né ko:la Sunpura, Namsai odokké Odiya:lo dungkang.Édé pamíndok lédupe’ Mising opínlok-Lo:ying, Sa:yang, Mili, Kardongkídínge’ Pa:silokké,Pa:du kídí:dé pa:dulokké,Pa:yeng kídí:dé rí:tunglokke’ Ohomso:pé oyto…..

                                           Du:da, lékonto.