So:nyi Lékor
✍️Jigash Ngatey
A:lém gíténgído doliém démdung
Ni:tom tomténgído maksongém so:dung
A:né pígodo assém ursudung
Ursukodo:íng ongo:ém madung
Dukpísumang ayirém létík so:nyiso
Korradyok marbanga tanipé batpémílo.
Mensuru:pé ipémíl yalod ajoné
Balug pé ipémíl akidé ajoné
Lékorém korrang lékorém sablang
Ayiré gítidye tí:mod domotsula du:yok
Dukpísumang ayiré létík so:nyiso
Korradyog marbanga tanipé batpémílo.
No comments:
Post a Comment