Légo Ako Dungai

     ( Agom Migang Taburam Taid sarké alakdo bitung)

Anuj yeín

Disangmukh, Sivasagor

1/ Légo ako odobong dungngai

Édé légo:dém asin ayangki

Ka:líkdo:pé motagai,

Kaje ajona ídílai lékogom sonkílai

No, ngo appíngé....

2/ Édé légo:dém abung kekon-sokké

Kekondo:pé gíko la:dop motagai,

Légo:do tenjin suge:la No:ngok turnan agom Ko:sin kíggípéi ru:tagai,

 Do:mírtok tamoli-takaré ronggaméi tatgab-dungai,

3/ Su:sin édé légo:dé ménggabla métung

Pu:mi asílok ngasod agomém

Réngam arra:lok ainé-aiman do:ingém, Leke lok méyum mér-rompé, 

4/ Édé légo:dém léko sonkínédéi 

Ídí:lo:sin mitpané kama:yé

Lékogom gípatla pigabla Kang- kílangka

No:sin do:nyi:ngémpé írga:yé,po:lo:ngémpé lo:ladyé,,,,,

5/ Édé légo:dém lékogom tugab-kílangka

Lépodok gombukpéi 

Jé:rop yépé mising réngam írroi,

Kaje kaje réngama mimag mimagé,,,,,,

6/ Édé légo:dém Asin ara:bok atí atí 

Agom gompirlok motagai,

Silo sin nom-ngom okyabtíl dung, doksi-ridok ri:nam

Mé:tom,ni-tomki, 

Dakor kornan anu

Lamtéko léngkanna gíyarbo:pé gogtíla dung,,,

7/ Édé légo:dém lékogom

Sonyi:sonsa:la asin do:nyingko kímínsulai,

Édé légo:dok dírbí bé:la:mé nérkíkpéi okyabtíl dung

Nom ngom mo:pí:sok appíngém,,,,,,