Mising Aoko Ngo
Mrinangka Patir
Mising agomsém lulíngéitokuma:bo
Asiné kidag
Mising abígémsin bíglí:tokuma
Alagé jindag
Agom anéké ngasodém mé:yémílo
Mittugé mumulé:lénggédag.
Ni:tomém tomlí:tokuma
Alíngé jindag
Mé:tomémsin adlí:tokuma
Gompiré yogdag.
Bulu silo mé:namdéméi ludung
Édéméi gerdung.
Pítané torné ílíngé buluk a:ngé
Kapéné bulu migomé.
Ablígdung silo bulu épugém
Agom anékolo:pé
Abjundung agom anéké angkéngém
Aya ! kinamé ngok angké:sé:sin
Kapéné, agom anéké
Kírong sunna: sunna usa:nam
Mising aoko ngo.
Ai réngama,
Migomdé sékkén ngolukkéma:nei ?
Bulum migompé imonédé sé:kon ngollu:ma:nei ?
Émmílo kaje bulumsin anka:mínsukílai
Buluk ablígnam épugém satpu: satpu:sula
Buluk pajé:nam ta:ngém érpung érpu:sula
Ngoluk gíté:dop gíla
Agom anémé turmolai
Agom anémé turmolai.
No comments:
Post a Comment