Nouwéi Mising Taniyén ?
Bipin Taye
No botta:né mirémé rémge:la
Lu:jar lo dungge:la
Mising agom lulíngkumanédéi
Mising taniyén?
Aíké dírbí dírlabém mitpansunédé
Ali a:yé lígangémsin kinkuma:nédé
Mibu galukko gélíma:nédéi
Mising taniyén??
No awém awé botta:né
Migompé mé:sula
Botta:né sakoriyé kage:kula
Mising tani: kéra:lo
Mising agom lulíma:nédéi
Mising taniyén?
Aíké opíném jí:yudpé mé:nédé
Opín turyarnam léga:pé
Ainé potinko la:lenlíma:nédé
Aíké agomlok ni:tom,mé:tomko
Tomlí molíma:nédéi
Mising taniyén?
Noéi mising taniyén?
Réngam léga:pé a:ngko kama:nédé
Réngamsok turyarnam léga:pé
Mimag mopénam pésoné tani:dé
Appíngé lékopé
"írroi"émna jé:dodém
Jémínlíma:nédéi mising taniyén??
No comments:
Post a Comment