(সম্পাদকীয়) Nébíngké Lupénam
Ainé Tani:lok Kanggang
Asin ara:ngoudo gasum sumla yeddopé mé:la du:mapé nok mé:nam ainé agomkídídém agerpé gerkantok. Sékkai ager gerrennamko ka:payém ngolu atéroupé mé:sudo - édé agerdém ngosinmalang gerra:daga:n. Po:pébo mé:la métungai édémarpin agerko gerpé émna. Émna du:né ope:kídídé airupé aimang. Lukanpé - gerpé émna, lupé émna, ka:pé émna !! Édé émna gompir aradokké bulu édílosin durrenmang. Mé:langoung mé:motsu:l du:motsudag. Édé ainé tani:lokképé airupé aiman agomé. Mé:né asag mé:langou du:dag. Édílosin bulu agerém gerredmang. Lukapé gímílo so mo:péso bulukké oko ageréisinéi kamang. Édé lo:si lo:bagné tani:kídídok kérado loddém yedla du:dag mé:bo mo:píko, ma:nying mo:píko. Édé ami:kídídém ka:yisuyoka. Édébulu yogmomsin dérya:dag.
Ainé tani:yé édílosin gerra:manam ager agomém angkéng kidopé mé:la du:mang. Gerrangkannam ager agomoungém mé:dag dokké gerra léngkandag. Buluk agerém réngamé ka:pa:la aidag émna asé:lígyem lékoda ainé ager tarungko anu a:ngki ru:lenge:l anupé gerrsa:dakku. Édé ainé tani:lok kanggangé.
Tapan Lal
Nébíng
Doksiri দকচিৰি
No comments:
Post a Comment