Aila Gínan Lambé
Someswar Medak
Biswanath Chariali
Ram Dolelang Krishna Pegubinyi ko:kalokkéboi atayé. Méledmínsuma:pé ajon jonné. Anyidéi aipé ménggabla ager gerdag. E
Émpidaggom Rambí aila gíkang, Krishnabí tukunagyayala gíkang. Kapila émyemílo Krishnabí botta bottané agerém mé:bodag, idagsin, ikidagsin; émpige:la bí:ríg ka:la ikenmang. Ipí-mopílangkumang. Lo:tulokkéi yokpakdag, ikí-ikíge:la mépagdag.
Rambí gerpénam agerdém, mé:bonam agerdém gerdo. Ménggabdanna, ayirdok
agerém gerbomdo. Idído o:rípé si:jila modo. Appíngémyang bottan agomdé dekko ngasod-
ngayod, morí-motí du:daggom bí gerpénam agerdém mé:po mé:pola ,yirra yirra modo,
agerdém bí gerdunémpéi mé:sumang. Émpila bí su mo:rumlok miremya:né kídardok ako.
Komaré yogír ager gerdo. Émmumpé yogírdém démyinla:mang. Guné yogírdém ansin yogírkokkipak démyin-tégyinla yoktung, kuyappé molado. Yogírdém gumoge:la odo ayirardo démpayé moyinpa:ye, ansingkumíloi démyinlangkuma:bo. Édémíngpé ngoluké gerpénam agerdém bélam, alam ka:la gerpaye; odopak agerdok aré pa:ye, a:ye dopaye. Amdang ledudo podong obaddung, rasuge:ma émna , aipomotoku émna tedla,tola du:tom aimaye. Do:nyi-podong
rasula gerdído germílo:pak a:mém pa:ye. Ayirdok ager ayirdo momamílo lédulo kapdaggom kappangkuma. Édé adí, bélam, alamdém ka:la ka:la ijong-gijola:nam Rambí aiyayayala gíkané. Odok Krishnabi gernamrungko émna gerra o:kosin gerpínla gerratoma.
No comments:
Post a Comment