Kinsutok Réngama

 Kinsutok Réngama

                 Bipin Taye 

Yíryum yíryumna 

ngoluk réngamsém

Lumot líknamsém

Kinsutok silo abutani:ké ommanga.

Luyum luyumna ngoluk opíném 

Aso: aso:pé jí:yudlíknamsém

Kinsutok silo naré:né misinga.

Amiké opíné silo, ané agomé

Kangkano:pé nginsang ngansa:dung

Kapila ngoluk ané agomsém

Ma:né ríbíém ma:tidmodun?

Sémmo:pé ngolu lo:dípé du:tímílo

Aíké ané agomém lusuma:mílo

Appíngéi yírka:ye misingé émsumílo.

Émpila...réngama kinsutok 

Silo appíngé..

Yupkaksul du:né, kinsuman asiném

Darmosuto appíng réngamé