সম্পাদকীয় ( Nébíngké Lupénam)
Agomlok Agom (ভাষাৰ কথা)
Appun amíng manggom ísíng amíng ako turra du:mopé mé:domílo édé amí:dém kangkanoupé assém pílígla du:payé. Édílopé aiyopé léppír pargabla bí aíwé bíkké donam-tí:namdém dosu:tí:sulamayeji. Odopak appun manggom ísíng amídé turyé.
Édémí:pé ané agom ako turra du:mopé mé:domílo ngolukké tani: ommang kídídém ajjoudokkébo ané agomdém bérokpé lukaipayé. Édílopé bulu aíwé bérokpé lubéng lula lukéng kadopé lula:mayéji. Odolopag agomdé tatpoyé, agomdé du:yaryé.
Silopé ngoluk mising opín okum érang ara:lok du:rilo mising agom gombe:yé be:la dung. Édém tadlai ko:kang kídíngé aíwé ajjo - ajjouko anéké agomém lukinsudag. Méngkinnamdém lang lukinnamdém taniyé anguru:pé odolokkébo pa:dag. Odo ara:do kínggíru:pé kangkappénam aba: ba:nyiouko kadung. Édébulu -
- Ko:kang kídídok lunamn gombe: gompir.
- Ko:kang kídídok lunam agomdok lulod. Atí atí.
Ékédak dékédak ngoluk mising ané agomsém turmo:pé ipémílo appíngé aí aíwké ommang kídídém mising ané agomsém lukairu:payé. Ané-abu: kísapé édé ageroudémsin gerrama:mílo aíwé mising émsumanggom aiyé. Turdo takamso édé agerdém gerpénam kamang. Ommang odagdokké dítag akké:dopé aiyopé kanggabla lukaimíloi lo:dísém du:pagyé. Kapilané odo ayirdo ko:ka:lokké lomdanna pi:nyo burmo:na:n adí-yé. Pi:nyi burmo:nam pe:le: kídídok airupé laginam pe:lé: ako - agom burmoné adídé. Odo adído ko:kangé aíké asindok mé:nam, mé:bo kídídém lusarsunapé agomlok ashroi-ko lagidag. Odo ayirdo ngolu ko:kang kídídém agom lukisu:nané LSRW (Listening Speaking Reading and Writing) formula-dém bérokpé lukaimílo bulu aíké ané agomdém lujong, adjong-gelasin amiké opínnok agomém lomdanna lukinyé.
(Léddarpé ledu:daggom Mising Agom Longé-lok asin aséngko asé:lígdung. Agomsé turyartéika.)
Mising Agom Írroi
Mising Réngam Írroi.
Tapan Lal
Nébíng (সম্পাদক)
Doksiri দকচিৰি
No comments:
Post a Comment