Pétu Appun
Tuniram Medak
Dígín tangarém írsu:la
Kéra:pé pétu appuné pundung
Kekonké a:né ragodo ansingou:né
Mo:nu among aríko namdung.
Mo:téngé:lé otsur surné
Ni:tom abíko parsa:dung,
Ro:ayirdok tangar ésardo
Tupunné lambém sambo:la
Nok yirnamlok amliém piddung.
Asin bi:sam samné mé:dírlo
Muksubém pe:yang pe:ya:sula,
No lékoném gíyerung émla
Toyal dung do:ré:né do:mírko.
Tupun namkolo yuméné
Nok asin kérang ragodo
Durgo:dung asi píagé.
Tangar mimangém tíla
Nok otsurné appuné,
Ayir toted ma:namém ka:la
Miksi ílíngé longkabdung.
No comments:
Post a Comment