Asin Yabgo
Tuniram Medak
Angngara:né arígdo
Tolo bolop mépagnam,
Kélíngém sotala
Motagai gombug kumsungko.
Ngok ben-yagné po:yubdo
Mési:pé mé:tagai,
Gítídné longé kídí:dok
Mékunam ayang gombukko.
Édíloi mo:yemílo,
Do:ré:né do:mírtok
Nom léngkanpé mé:tagai,
Mé:namsok ayang kéno:né oiyinko.
Nok pí:ramné ayangé
Asin yabgom sigge:la,
Mo:té:pé dé:bomkang
Ngok asin arígbo lenam
Mé:namlok amliém,
Asinsok gombugém.
No comments:
Post a Comment